=-=-=-BertsoKatea-=-=-=

Oier gu zirikatzen
aritu ta gero
gu geldi geratzerik
ez inork espero

-aMa1aLeN-

Ziur irailak 3an zer den
askok ez dakizutela,
kasualitatez ez ditut jarri
bonbila eta kandela…
Gaurko egunez ospa dezagun
merezi duen bezela,
bonbila piztu zitzaigunetik
urte bete pasa dela!

Bertsokatea haseran ez zen
gaur egun dagoen bloga
baizik korreo bidez Manuk ta
biyok jarri gendun moda,
elkarri bertso idazten biyok
aritzen giñen gustora
ta azkenerako jende gehiago
arrimatu zen ondora.

Urtebetean 300 bertso
izugarrizko ostian
ikus zazute zein jardun giñen
tope denbora guztian
Maddi ta Irati Haritzen goyan
Manu ta biyok azpian
ta Unai firma botatzen berak
egindako marrazkian.

Beranduago Ane sartu zen
eta eman zuen kaña,
egunean bat idazten gendun
hartu genion tamaña,
azkenerako hainbeste bertsoz
nazkatu egin giñan baña…
ya ezaguna egin den blog hau
sortu gendun alajaña!

Gero katera hurbildu ziren
Ekhinobitx ta Hooligan
beranduago Mcdalen, Julen
ta Turbix ere segidan.
Erdi zalantzan daudela batzuk
nola jakin badakidan
ea aMa1a Maialen eta
Uxue hurbiltzen diran!

Xagua

pasaian bertso eskola
urte hontan zaigu jaio
nahiz aurretik egin izan
ditugun hainbat ensaio
aurten goaz “A por todas”
posible da; ze arraio!
ta hargatik irailean
egingo dira lau saio

lehenengoa ostiralez
eta zenbakia bosta
martindarrak ziren berez
bata bestearen kontra
baina azkenea ansa
eta xamoan borroka
baina zail da etortzea
lizardikoa dagota

urrengoa 12an
ditugu unai ta manu
gaurko anuntzio hauxe
ipini dudala amu
zalantzarik ez dut baina
bate zalantzarik banu
joango nintzateke gero
ez nendin ni egon damu

eta hirugarrengoan
xamoa ta lizarralde
xanjuanen izango da
esaten det bazpadare
aurrekoen antzerako
sarrera 5 euron pare
a, ta oraindik sarrera
dexente saltzeko daude.

azkena 26an
sanpedro dugu hautatu
xagua eta casabal
nork nola nor umillatu
5 euro dira sarrerak
merkea dela onartu
eta komentariotan
entradak erreserbatu

doinua: soldadito marinero

[KZBL#19]

Gaur San Agustin izateaz gain
degu egun ezaguna,
ya 21 urte baitira
munduratu zitzaiguna
patinetero ta bertsolai den
gure hooligan laguna,
nahiz ta xahartzen ari Zarauzko
soltero de oro deguna.
Bertsokatean partez muxu bat!
Ondo pasa zak eguna!

Xagua

Maialen Akizu erdi Urretxuar erdi Gabiriarra da, 12 urte ditu eta Euskal Herriko eskolarteko txapela lortu zuen ekainean. Bera gehiago ezagutu nahian Maialenengana hurbildu da Xagua.

Xagua: Kaixo Maialen!

Maialen: Kaixo!

X: Zemouz?

M: Earki!

X: Ya denboa dexente pasa da baña zorionak hasteko Euskal Herriko eskolarteko txapela irabazteatik ta in tziñun sayo earragatik.

M: Eskerrik asko!

X: Ze sentitzea holako zerbait lortzian?

M: Momentun nere izena esan zutenen ez nun sinisten. Harro sentitze zea, urduri, nahastuta,… Denetik pixkat.

X: Pentsatzet bai. Halare horren atzetik lan handiya dao. Batek ez du hola ta hola maila hori lortzen. Zuk nola ein dituzu entrenamenduak? Zenbatero?

M: Gipuzkoako txapelketako entrenatzeko asten 3 aldiz o hola geatzen ginen, ahal genun guztitan, ta euskal herrikoako asten eunero, ezer tarten ez bazeon behintzat!

X: Halare nahiz ta entrenamendu deitu diyoun, earki pasatzea sayo hoyetan ezta?

M: Bai! Entrenatzez gain ondo pasatzen deu ta ordun oso gustoa juten gea bertso-eskola. Suerte haundia izan det entrenatzen euki deten jendiakin.

X: Zenbat biltze zeate bertso eskolan?

M: Ba gure talden ustet 7-8 geala, baino entrenamenduta ez zien danak juten.

X: Gorka Azkarate izan dezute maixu bezela ezta? Zemouz berekin?

M: Oso oso oso ondo. Konfiantza haundie dauket beakin ta irakasle ta laguna da aldi beren!

X: Hori garrantzitsua izatea bai. Galdera tipiko bat oain Maialen; zer geyo eman dizu zuri bertsuak Euskal Herriko txapel honetaz gain?

M: Uf, gauza asko! Launak, giro ona, momentu earrak! Gauza asko die hitzez esateko!

X: Ta jakin al leike nola sartu ziñan saltxa hontan, nola hasi ziñan bertsotan?

M: Aitte ta ama beti izan die bertso-zalek, ni re txiki-txikitatik izan naiz. Jakin nonen bertso-eskola ireki zala ba berta jun nahi non nola o hala.

X: Entzuna dakat oso goiz hasi ziñala bertsotan, noiz hasi ziñan exaktamente?

M: 5 urte o hola eukiko nitun! Ordun ez nekin idaztene baino moldau nintzen.

X: Iya ni aña denboa zuaz ordun bertsotan.

M: (Parre iteu).

X: Haure galdera tipikua da baina beno, zein da zure bertsolairik gustokoena? Bat baldin baezu behintzat…

M: Lizaso beti gustau izan zait, ta oain beste asko re bai: Amets, Egaña, Lujanbio,… Ta noski Amaia Iturriotz!

X: Hemendik urte batzuta bertsokaten gazte batei entrebista iten diyounian iwal zure izena esangou Maialen! Gustauko al litzaizuke?

M: Gustau noski gustauko zitzaidala, baino oaindik ez det uste hori gertatuko danik!

X: Batek daki Maialen, bidia zabalik dakazu oaingoz.

M: Bai, baino oaindik denbora asko geatzea ta batek daki ze bide hartuko deten.

X: Beno, gure hamaika kategaldera beldurgarriyekin hasi aurretik azken galdera bat. Badakit bertsokatean berri bazendula elkarrizketa honen aurretike, nola izan tzenun gure blogan berri?

M: Ba bertso eskolan komentatu zuten ondo zeola blog hau ta sartu in nitzan ikusteko.

X: Eztakazu pelota in berrikan oain eh…

M: Ez egie da (parrez).

---

1.- Zein hiru izenondokin definiuko zenun zure burua? Langilea, exigentea ta alaia.

2.- Ze izan nahi zenuke handitan? Unibertsitateko historiako irakasle.

3.- Bizitzako egun politena? Bertso eskoletako ostiralak, launakin larunbatak eta ekainak 21.

4.- Gustatzen zaizun esaldi bat? Eta euskal Herriko txapelduna… Maialen Akizu!

5.- Maniaren bat edo aitortu daiteken bizioren bat? “Eske” esatea.

6.- Gustokoen dezun kanta? Gutuna, Itxura garesti, Zarena-zarelako, Haizea, Izarren hautsa,…

7.- Esatea asko kostatzen zaizun zerbait? Piropon bat…

8.- Nun gordetzeituzu bestiak (gusaruak adibidez) ikusteik nahi ez dituzun gauzak? Ohe azpin.

9.- Zein da zure gelatik geyen gustatze zaizun objetua? Mesilla o ohea.

10.- Gustokoen dezun marraki biziduna? Heidi!!!

11.- Printze urdinik?  Ametsetan…

---

Bertsokatean bada
tokirik zuretzat!
Zure proposamena
hartuko det aintzat,
nahiz eta lanpetuta
nabilen erabat,
noizbehinka egingo det
bisitatxoren bat.

El Mundo | 13/8/2008

Los organizadores de los Juegos Olímpicos de Pekín confesaron el martes que el programa televisado de la ceremonia de apertura contenía imágenes falsificadas y montadas previamente con fuegos artificiales.

La ceremonia comenzaba con una escena espectacular en la cual 29 ‘huellas gigantes de fuegos artificiales’, atravesaban Pekín hacia el estadio olímpico. Se creía que la imagen de las huellas, trazadas por cohetes, estaba siendo grabada desde un helicóptero.

Según afirmó el vicepresidente ejecutivo del comité organizador de los Juegos, Wang Wei, los fuegos artificiales fueron lanzados de todas formas, pero la imagen no era visible debido a la bruma.

“Puede que las imágenes de las huellas, filmadas con anterioridad, fueran utilizadas en la emisión debido a la mala visibilidad”, afirmó Wang Wei.

Según afirmó el periódico ‘Beijing Times’, las imágenes fueron emitidas de un modo artificial gracias al trabajo de una sociedad informática especializada.

Según se desprende de esta noticia, la empresa Crystal fireworks podría haber simulado los movimientos del helicóptero y evitar la imagen borrosa que provocaba la niebla.

Esta controversia se suma a la polémica del ‘playback’, en la que el director musical del espectáculo, Cheng Qigang, reconoció que la niña que salió a cantar, ataviada con un traje rojo, lo hizo en ‘playback’, mientras que la que se escuchó era de una segunda niña, no elegida por su físico.

---

Dena kolore ta dena argi,
dena eder ta primeran,
ikuskizunak zoragarriak,
denak ileran-ileran,
atzeramartxa erraldoiakin
norbait antortxara hegan,
su artifizialak apartekoak,
iya Zarauzkoen eran;
oso polita izan zen dena,
politegia aukeran…

Xagua

Pasioaren gorria
jantzi zenean urdiñez,
ustez kolore berdiñez
eman zenidan berria.
Ametsetako irria
nahiago nuen ordea,
esperantzaren berdea
neukalako barrenean.
Nahiz beztu zen azkenean
ez naiz damutzen gordea.

Hain urdina ez izaki
berriz gertatu zenean,
mila zalantza barnean
ta ezin errez erabaki.
“bihotzak latina daki”
ta ezetz da erantzuna.
Pena ez dela maitasuna
sentitu nahi dugun hura,
baizik nahi gabe modura
egiz sentitzen duguna.

Xagua

Egileak: Ane, Julen, Turbix, Ekhinobitx, Manu eta Xagua hurrenez hurren.

Doinua: Abokatuak deitu berri dit

1.-
Irriak jada ez direlako
gu bion arteko zubi
boligrafoa hartu orduko
jarri nahiz oso urduri
badauzkadanez sentimenduak
adierazteko esku bi…
baina bihotza ere dardarka
hasi zaidala dirudi.
Orri zuria ez da luzaro
mantenduko zuri-zuri
zuk ez didazu idatziko ta
nik idazten dizut zuri.

2.-
Gauzak argi ta garbi uztea
da nire hitz hauen xede
koadrilakide garen aldetik
konfiantza baita lege
zenbat parranda egin ditugun
mozkorrak eginda bere
zenbat momentu, zenbat bizipen,
zenbat kontu,… alafede!
orain kartzelan sartu nautela
ez bixita, ez mesede…
lagunak lagun izan behar du
une zailenetan ere.

3.-
Egindakoa egina dago,
ez daukat lasai barrena,
buruak ez du lanik egin nahi,
bihotza daukat herrena.
Betidanik izan zarelako
nire lagun ederrena
eta gau hura izan zelako
nire unerik txarrena,
absoluzioa eskatzea da
egin nahi nuken aurrena,
zer egin dudan eta zergatik
esango dizut hurrena.

4.-
Nahiz orain arte dena kondatu
izan diogun elkarri,
horma artetik hitzak irtetzen
zaila izaten da sarri.
Nola zabiltzan jakinminean
informazio egarri,
nahiko zintuzket bihurtu nire
sekretu denen oinarri.
Gau ilun hartan egindakoa
nahiz ta iruditu larri,
gure arteko laguntasuna
ez zazu zalantzan jarri.

5.-
Laguntasuna edo laguntza
inor behartutakoan
elkarri eman izan diogu
ia berehalakoan.
Baina bart gauza gehiegi zeuden
gure artean jokoan,
ez bainekien zuri lagundu
edo neu salbatzeko joan.
Gau batez bada ere gaur behintzat
nahiz ta ez egon kanpoan,
elkar laguntzen segiko dugu
hemendik irtendakoan.

6.-
Irratitikan aditu nuen
harrapatu zintuztela
ta barrenean sentitzen nuen
nere kulpa izan zela.
Nahiz banekien telefonoak
pintxaturikan zeudela,
iruditzen zait hanka egin ordez
bila joan behar nuela.
Fresnesetikan Aranjuezera
gutun hau doa horrela,
nahiz alperrik den jakin dezazun
egiñaz damu naizela.

d.e: bertso sorta word dokumentuan nahi duenak egin klik hemen

Beno ba bukatu dira Berako bestak, igaro da astebete, eta esan bezala lehenengo bertso-sorta kolektiboaren ordenaren zozketa egina dago. 6 pertsonek eman dute izena, eta beraz, 6 horien izenen artean egin dut zozketa nire esku inozentearekin. Berandu enteratu den norbaitek parte hartu baldin badu, ikusiko dugu non sartu.

Ordena honako hau da:

1- Ane
2- Julen (julenber@hotmail.com)
3- Turbix (g.turbix@hotmail.com)
4- Ekhinobitx (ekhi13@hotmail.com)
5- Manu (baitazeare@yahoo.es)
6- Xagua (xagu2@hotmail.com)

Beraz, Ane zuri dagokizu bertso-sorta hastea. Zuk nahi duzun gaiarekin eta nahi duzun doinuan. Ez ahaztu sortari ze zentzu eman nahi diogun, edo zertaz ari garen ezin diogula inori esan, ezta hurrengoari ere.

Lehenengoak bigarrenari korreoz bidaliko dio bertso, ta inork ez du bertsorik irakurriko bere txanda iritsi eta aurrekoak bertsoak bidaltzen dizkion arte.

Bakoitzak asko jota 2 aste edukiko ditu bertsoa osatzeko (baten bat lanian ari bada’re…)

A, ta titulua azkenekoak jarriko dio sortari, hortaz hiri tokatuik xagutxo

Manu

Askok ez dezue jakingo zer den bertso-sorta kolektibo bat, garai batean egiteko asmoa egon zelako, baina lehenengo bertsoa ere egin ez zelako (hala uste det behintzat).

Kontua denok artean bertso-sorta bat sortzea litzateke. Lehenengo parte hartu nahi dutenen zerrenda bat egingo da eta ondoren bertsolarien ordena erabaki (zozketa bidez seguraski). Gauzak horrela, hasten denak hautatuko du zin doinu eta zertaz egin dorta, baina ez dio inori ezer esango. Bere lehenengo bertsoa osatutakoan, bere bertsoa (eta doinua ahal bada) bidaliko dio zerrendan hurrena dagoen bertsolariari, eta onek bigarren bertsoa egingo du.

Horrela, bakoitzak bere tokea emango dio sortari eta gerta liteke lehenengo bertsoa idatzi zuenak pentsatutako bidearen aurkakoa egitea sortak, bakoitzak erabakiko baitu sortari jarraipena nola eman, edo nola amaitu.

Hortaz, ezer baino lehen bertso-sorta kolektiboan zein izango garen partaideak jakin behar det. Orain arte hiru gara izena eman dugunak, beraz animatu besteak ere!!!
Oraingoz izena eman dugunak:

Xagua
Julen
Manu
Turbix
Ekhinobitx
Ane

Astebeteko epea utziko dizuet izena emateko (Berako bestek irauten duten bitartean, jeje) eta buruko minak pasatzen direnean egingo dut zozketa, eta lehenengo bertsoa, hala tokatuz gero. OK????

Benga animatu!!!! Historiako lehenengo bertso-sorta kolektiboa litzateke, eta Guiness errekorren liburuan sartuko ginake, ez baita bertso sortarik izango hainbeste idazle eduki dituenik, jeje!!

Manu